19/06/2020  -देश म कोरोना (corona) संक्रमित मरीज मन के संख्या ह कम होय के नाम नई लेवत हे। देश म कोरोना वायरस ले संक्रमित मरीज मन के कुल संख्या ह तीन लाख 80 हजार ले जियादा हो गे हे।

पिछले 24 घंटा म कोरोना संक्रमण के सबले जियादा 13586 नवा मामले के पहचान होय हे। जबकि ए वायरस ले 336 लोगन मन के जान चले गे हे।
स्वास्थ्य मंत्रालय के आंकड़ा के मुताबिक देश म अब तक 3 लाख 80 हजार 532 लोगन मन ह कोरोना (corona) ले संक्रमित हो चुके हे। एमा ले 12537 लोगन मन के मौत हो चुके हे।

ऊहचे दू लाख 4 हजार 710 लोगन मन ह कोरोना ले जंग जीत गे हे अऊ अपन घर लहुट चुके हे।
कोरोना (corona) ले सबले जियादा प्रभावित महाराष्ट्र राज्य हे। इहां पिछले 24 घंट म कोरोना के 3752 नवा मामले के पहचान होय हे। ए दौरान पूरा महाराष्ट्र म कोरोना के 100 मरीज मन के मौत हो गे हे। प्रदेश म कुल मरीज मन के संख्या ह एक लाख 20 हजार 504 हो गे हे। जेमा ले 5751 लोगन मन के जान चले गे हे।